محامي فالمغرب: إمتى نمشي عندو وشنو يقدر يدير ليا؟

قبل أول لقاء مع المحامي

• القصة مرتّبة بالتواريخ
• العقود والاستدعاءات والرسائل، الأصل ولا النسخة
• شنو باغي توصل ليه، وشنو الأجل اللي خايف يفوتك
• أسئلتك على التوكيل والأجرة وكيفاش غادي تخلّص

خطوة بخطوة

1. 1

   شوفو قبل ما يكبر المشكل

   قبل الدعوى، الجواب ولا التوقيع

   إلا توصّلتي باستدعاء، طاح شي نزاع، عندك عقد باغي تفهمو، شكاية، مسطرة إدارية، ولا مشروع شركة، ما تستناش حتى يفوت الأجل. المحامي يقول ليك شنو الطريق المناسب وشنو الوراق اللي خاصو.

2. 2

   عطيه الوقائع كيما هي

   فأول استشارة

   رتّب الأحداث بالتواريخ، جمع العقود والاستدعاءات والرسائل، وقول بوضوح شنو باغي وشنو ما باغيش. المحامي خاصو الصورة كاملة باش يعرف الاختصاص، المرحلة والمخاطر. ما تخبّي حتى معلومة، حتى إلا كانت ماشي فصالحك.

3. 3

   فهم شنو داخل فخدمتو

   قبل ما تلتازم

   القانون 66.23 كيذكر الترافع، النيابة، الدفاع والمؤازرة، والإجراءات فكتابة الضبط والنيابة العامة، وحتى الاستشارات والدراسات والوساطة والتحكيم ومهام قانونية خرين (المادة 33). سولو: واش غادي تكون غير استشارة، ولا مرحلة وحدة، ولا الملف كامل؟

4. 4

   كتبو التوكيل والمرحلة والأجرة

   قبل ما يبدا الخدمة

   التكليف المكتوب خاصو يوضّح موضوع القضية، المرحلة اللي غادي يخدم فيها المحامي، المعطيات الأساسية، وكيفاش غادي تخلّص الأجرة والمصاريف (المادة 54). قرا الاتفاق مزيان، خلّي عندك نسخة، وسول شنو اللي ما داخلش فيه.

5. 5

   تأكّد منو وخلّي التواصل واضح

   طول الملف

   تأكّد من المحامي فالمرجع الوطني الإلكتروني للمهن القانونية والقضائية. اتفقو على كيفاش غادي تتواصلو، وعلى الوراق والآجال. حتى محامي ما يقدر يضمن ليك النتيجة، ولكن يقدر يشرح ليك الطريق، الاختيارات وحدود التوكيل.

أسئلة كيسولوها الناس